مخيبها

مخيبها الصحة
كي تطيح
ومخيبو البرد
بلا ريح
ومخيبو العكس
كي يشد صحيح
ومخيبها الدنيا
بلا فن
ومخيبها حلمة
قبل ماتبدى تتدفن

تي مخيبو القلب
كي ساعات يحن
ومخيبها الفرحة
كي بفلان تترهن

ومخيبو الوقت
كي يتعدى ويفك
بلا رجوع
ومخيبها الغصة
ومخيبها بكية شايحة بلا دموع
ومخيبو الذل
ومخيبو الركوع

ومخيبو المكتوب
كي مايدقش الباب
ومخيبو فراق لحباب

ومحلاها التنهيدة
ومحلاها كلمة تتقال
بلاش حساب ...

وعمرنا ما كنّا على بعضنا أغراب ...