إبكي

إبكي...

دموعكْ  مطرْ

راحة في قبرْ

سطر مواجع 

يفسّخْ في سطرْ 

إبكي سنين لعمرْ 

و سبْ دنيا 

فحمها يوسخ في الدُرّْ

إبكي ناس علّيتها

بصحبتك ودّيتها 

سقاوك الشيح المرْ 

أما قبل ما تبكي بكّيهمْ 

انزل على جرحهمْ

و إذا لزم طيّحْ لقدرْ 

و يزي مالطيبه

القلب إذا كثّر مالسّماحْ 

يفسّدْ الهيبة..

و إنزل عالجرحْ

يا إدّاويه يا تحيّرو

وكلّم إلي ناسيكْ

يا يرجعلك يا تغيّرو...

و إبكي كيف السّما

و جرّي الدّمع و فيّعو

و أضحك عالمكتوبْ

و قول خرافة و ميّعو 

و كبّش في يدٌك 

خاطر إذا ترنّحت كان هيّا تشدّكْ...

و عاشر إلي يعلّيك و الي قدّك

و خنتب دنيتك على قدّكْ

إبكي .... 

والغصة في الشفر 

لوجيعة شطر غلبة عمر

شاح وتقهر تغبن 

كلاه السفر الجاش برد 

قتلو الشر ... 

 العين 

والذل صنعة بوسان ليدين 

الغدرة دين ... 

آمين ومش أجمعين 

من وين مزالت دمعة تحير كنين 

إختار يموت حر  

ولا بين عينيهم يتنحر 

وتجهم عليه حجرة في قبر ... 

إبكي بالشهقة بالحرقة

جهار ومش بالسرقة

إبكي 

وإثبت عالبكية إلي نبتت أول شيبة 

وعلى أول غصة تسمات عالطيبة 

إبكي ...

البكية صعيبة ومش غريبة   

وكل قلب وطبيبها.